*1597...Jan_e_Tamana...Pak Old* (Urdu Poetry)

*1597...Jan_e_Tamana...Pak Old* (Urdu Poetry) 

g *1597...Jan_e_Tamana...Pak Old* Ho tamana aur kia Jan_e_tamana aap hain Kia karon gi le k duniya Meri duniya aap hain Sharm ati hai mujhye Apne se bhi kahte huwe Aap se kaise kahon Mere liye kia aap hain Aap se pahle nazar main Kuch na tha apne sewa Ab jidhar bhi dekhti houn Jalwafarma aap hain

Post By: Saba Sayed

*1596...Pyaar K khameer Se...Pak Old*

*1596...Pyaar K khameer Se...Pak Old*

Har aadmi alag sahi

Magar umang aik hay

Juda juda hain surteen

Lahou ka rang aik hay

Tumain jo yeh libas hay

Bohot azeez dostoo

Haqekton ko dhanpne ki

Hay yeh cheez dostoo

Yahan wagar na har kisi

Ka naam_o_nang aik hay

Woh geet sun raha houn main

Nagar nagar main aaj bhi

K jis ki laye pe jhoom uthe

Yeh sang dil samag bhi

Khere hain jitne zamzamen

Sabhi ka ang aik hay

Bani hay sari kainaat

Pyar k khameer se

Na aey agar tumeen yaqeen

To pouch lo zameer se

Zameer ki har ek sada ka

Rang dhang aik hay

Yahan har ek shaks ka

Buland tar muqaam ho

Mitain dilon se nafraten

Sabhi ka ehtram ho

Is ehtram k liye hamari

Jang aik hay

Post By: Saba Sayed

*1594...Udaas Mat Huwa Karo...Pak Old*

*1594...Udaas Mat Huwa Karo...Pak Old*   Phir phool koi shakh par Phir phool koi shakh par Sahma huwa sa dekh kar Jalte deiye k samne Jhonka hawa ka dekh kar Tum kion udaas ho gain Mosam khizaan ka dekh kar Tum ghamoon k bojh ka Mosamon k sooz ka Karb mat saha karo Udaas mat raha karo Yeh roop hain hayat k Rang hain kayenaat k Kuch gham ki taiz barisheen Kuch phool hain nishaat k Tum phool bas chuna karo Khaar mat chuwa karo Gham apni zaat k Saba ! Bure halaat k Saba ! Mujhye thama diya karo Udaas mat raha karo

Post By: Saba Syed

Haram aur dair ke katbey wo dekhey - ‘Seemab’ Akbarabadi

Haram aur dair ke katbey wo dekhey jis ko fursat hai,
Yahaan hadd-e-nazar tak sirf unwaan-e-muhabbat hai;

 Parastaar-e-muhabbat ki muhabbat hi shariyat hai,
Kisi ko yaad kar ke aah kar lenaa ibaadat hai;

Ho ek kiradaar tum bhi merey mamool-e-muhabbat ka,
Mujhe tumse nahin apni muhabbat se muhabbat hai;

Wo kya sajda ? rahe ehsaas jismein sar uthaane ka,
Ibaadat aur ba-qaid-e-hosh tauheen-e-ibaadat hai;

 Meri dewaangi pe hosh waale bahas farmaaein,
Magar pahle unhein deewana ban’ne ki zaroorat hai;

 Maqaam-e-ishq ko har aadmi ‘seemab’ kya samjhe,
Ye hai ek martabaa, jo maawara-e-aadmiyat hai..!!!


~ Hazrat ‘Seemab’ Akbarabadi Sahab

Sajda kar ke qadam-e-yaar pe qurbaan hona - ‘Wamiq’ Jaunpuri Sahab

Sajda kar ke qadam-e-yaar pe qurbaan hona,

Yun likha tha meri kismat mein musalmaan hona;

 

Jiska mazhab ho faqat yaad-e-sanam deed-e-sanam,

Wo nahin jaanta kaafir ya musalmaan hona;

 

Husn ko poojna aur jaam-e-muhabbat peena,

Mashrab-e-ishq mein yun sahib-e-imaan hona;

 

Maqtab-e-ishq mein ‘Wamiq’ ne ya paai taleem

Ain-e-imaan hai fida-e-rukh-e-janaan hona....!!!!

 

~ Hazrat ‘Wamiq’ Jaunpuri Sahab

Un aankhon ka aalam, ghulabi ghulabi - Hazrat Behzad Lakhnavi

Un aankhon ka aalam, ghulabi ghulabi

Merey dil ka aalam, sharabi sharabi

 Nigahon ne dekhi, muhabbat ne maani

Teri bemisali, teri lajawaabi

 Ye duz-deeda nazarein, ye raftaar-e-naazuk
Inheen ke badaulat hui hai kharabi

Khuda ke liye apni nazron ko roko
Tamanna bani ja rahi hai jawabi

Hai “Behzad” unki nigah-e-karam par
Meri na-muradi meri kaamayabi

 

~ Hazrat ‘Behzad’ Lucknawi Niyazi R.A.